Japaun, 19 Fevereiru 2026

Ministru Transportes no Komunikasaun, Eng.Miguel Marques Manetelu ho delegasaun kompostu husi Xefe Gabinete José da Costa, Diretór Jerál Transportes no Komunikasaun, Constantino Ferreira Soares, Prezidente ANATL-EP no Romualdo António Soares da Silva halo vizita kortézia bá iha Embaixada Timor-Leste iha Tokyo Japaun.

Iha vizita ne’e simu direta husi Embaixadora Maria Terezinha da Silva Viegas, Konselleiru Embaixada Timor- Leste, Celio Moniz no Téknika Finansas Embaixada Timor-Leste, Faviola Henriques da Cruz.

Ministru ho delegasaun halo vizita bá iha Embaixada Timor-Leste iha ambitu serimónia asina kontratu ho empreza Toa Corporation kona-bá rehabilitasaun terminál pasajeiru foun Aeroportu Internasionál Prezidente Nicolau Lobato Comoro Dili.

Ministru Manetelu agradese bá embaixadora, Maria Terezinha da Silva Viegas, bele simu delegasaun husi Ministériu Transportes no Komunikasaun ho di’ak.

Ministru Manetelu husu bá diplomata Timor-oan iha Japaun atu kontinua hametin parséria ne’ebé metin ho governu Japaun.

Iha sorin seluk embaixadora, Maria Terezinha da Silva Viegas informa bá Ministru katak durante ne’e embaixada hala’o kooperasaun di’ak ho governu Japaun.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊