Tokyo Japaun, 20 Fevereiru 2026

Governu liu husi Ministériu Transportes No Komunikasaun halo vizita kortézia bá Aeroportu Internastionál Narita Japaun ne’ebé simu direta husi Senior Executive Officer, Kaichi Ookowara ho nia estrutura.

Antes halo tour haleu aeroportu, delegasaun Timor-Leste halo uluk enkontru ho Senior Executive Officer, Kaichi Ookowara ho nia estrutura, iha enkontru ne’e jerente sira iha hato’o benvindu bá delegasaun MTK nia, hodi halo mós aprezentasaun kona-bá servisu sira iha aeroprotu, hafoin ne’e delegasaun sira halo vizita bá iha torre ATC no Terminál 2.

Durante vizita jerente sira iha Aeroportu Narita, halo esplikasaun bá delegasaun husi Timor-Leste kona-bá funsionamentu Aeroportu refere ho Nia fasilidades hirak ne’ebé eziste iha aeroportu inklui servisu ne’ebé mak sira halo durante ne'e.

Diretór Jerál Transportes no Komunikasaun, Constantino Ferreira Soares, reprezenta Ministru Transportes no Komunikasaun, Eng.Miguel Gonçalves Manetelu hato’o obrigado wain bá Senior Executive Officer, Kaichi Ookowara ho nia estrutura nia disponibildade bele simu ona delegasaun MTK nia, hodi mai haree direta servisu sira iha aeroportu no fasilidade sira iha aeroportu narita rasik.

Hafoin enkontru delegasaun MTK kontinua halo vizita bá iha Torre ATC no vizita mós terminál dois bá pasajeiru sira.

Delegasaun MTK kompostu husi Diretór Transportes no Komunikasaun, Constantino Ferreira Soares, Xefe Gabinete José da Costa, Prezidente Konsellu Administrasaun ANATL, E.P., Eng. Romualdo António Soares da Silva, Diretora Unidade Estudu Planeamentu Infra-estrutura (UEPI ANATL), Eng.Antónia de Oliveira no reprezenta AND.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊