𝗗𝗶́𝗹𝗶, 𝟭𝟲 𝗙𝗲𝘃𝗲𝗿𝗲𝗶𝗿𝘂 𝟮𝟬𝟮𝟲

Xefe Gabinete Ministru Obras Públikas, Cristovão Fausto Guterres, akompañia husi Diretora Nasionál bá Manutensaun Estrada no Ponte, Letigia dos Reis Hanjam Corbafo, Amilcar da Costa Victor mak Koordenador Project Management Unit-Ministériu Obras Públikas (PMU-MOP) ho koordenador Project Management Unit (PMU) Bee no Saneamentu, Nelson Mesquita, realiza enkontru ho Diretór Dezenvolvimentu Merkadu Globál, YAMAUCHI Kazuya, Ministériu Rai, Infraestrutura, Transporte no Turizmu Japaun nian ho nia delegasaun iha sala reuniaun MOP, Caicoli, segunda-feira ne'e.

Objetivu husi nkontru ne'e foka bá kooperasaun bilaterál iha área infraestrutura, liuliu kona-bá dezenvolvimentu kbiit tékniku no institusionál MOP nian inklui kooperasaun bá kontrolu bee-sa'e (cheias) no prevensaun bá dezastre naturál sira, bazeia bá esperiénsia no teknolojia ne'ebé Japaun uza.

Vizita Traballu MLIT bá iha MOP ne'e parte husi koordenasaun ne'ebé mós involve vizita tékniku bá Japaun iha fulan Janeiru 2026 hodi observa sistema mitigasaun hanesan "Arakawa Floodway" no servisu hamutuk ho peritu sira husi JICA.

https://sdi.gov.tl/ministerio/presrealease/create 

𝗠𝗶́𝗱𝗶𝗮 𝗠𝗼𝗽