𝐃í𝐥𝐢, 𝟐𝟑 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔 – Ministru Komérsiu no Indústria (MCI), Sr. Nino Pereira, hamutuk ho Sekretáriu Estadu Arte no Kultura (SEAK) Sr. Jorge Soares Cristovão, simu konvite ofisiál husi Embaixador Timor-Leste ba Korea atu partisipa iha Esposizaun Internasional Koreia ne’ebé sei hala’o iha fulan Setembru 2026.

Konvite ida ne’e hatudu kompromisu diplomátiku no esforsu Embaixada Timor-Leste iha Korea atu promove setor Turizmu, Komérsiu no Indústria Timor-Leste iha nivel internasionál.

Ministru MCI, Sr. Nino Pereira, apresia inisiativa Embaixador Timor-Leste iha Korea, no reafirma prontidãun governu atu kontinua fó promosaun ekonomia, liuhosi plataforma internasionál. Ministru kompromete sei partisipa iha eventu refere, hanesan parte husi esforsu governu atu hatudu potencial no oportunidade investimentu Timor-Leste.