Manatuto, 24 Fervereiru 2026| 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, hamutuk ho 𝐒.𝐄. 𝐌𝐢𝐧𝐢𝐬𝐭𝐫𝐨 𝐝𝐚 𝐀𝐠𝐫𝐢𝐜𝐮𝐥𝐭𝐮𝐫𝐚, 𝐏𝐞𝐜𝐮𝐚́𝐫𝐢𝐚, 𝐏𝐞𝐬𝐜𝐚 𝐞 𝐅𝐥𝐨𝐫𝐞𝐬𝐭𝐚𝐬(𝐌𝐀𝐏𝐏𝐅) Eng. Marcos da Cruz, Ofisiálmente Realiza Inagurasaun ba edifisíu Sentru Treinamentu Floresta Integradu, ne'ebé hari'i iha lokalidade implementasaun Projeito AFoCO/026/2021, iha Área Balak, Suku Ma'abat, Posto Administrativu Manatuto Vila, Munisípiu Manatuto.

Intervensaun 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬, informa inagurasaun ba edifísíu treinamentu Floresta ne'ebé mak estabelese iha Área Balak, Munisípiu Manatuto ida ne'e hanesan mehi ida ne'ebé mak durante ne'e preokupa oinsa bele estabelese fatin ida ne'ebé propriu utiliza ba tempu ne'ebé naruk hodi kapasita no hasa’e koñesimentu Funsionáriu tekniku sira nian konaba dezenvolvimentu setór Floresta nian iha rai laran.

“Aleñde ida ne’e mós edifísiu sentru treinamentu ida ne’e bele utiliza ba enkontru gerál ne’ebé hala’o iha Ministériu MAPPF, tanba durante ne’e iha ekontru ba avaliasaun servisu ruma tenke ba aluga salaun husi fatin seluk hodi realiza enkontru, tanba ne’e ita estabelese edifísiu sentru ida ne’e hodi fasilita enkontru no treinamentu sira ne’ebé hala’o iha Ministériu MAPPF” dehan SEF.

𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬, mós rekomenda katak Área Balak ne’ebé ho 130 hektares dadaun ne'e haleu ho lutu hodi asegura ai-oan sira ne'ebé kuda iha laran tanba ne’e labele kuda deit ai-oan sira maibé kuda mós produtu hortikultura, hanesan sabraka, kulu, hudi no ai-han sira seluk ho espesiais ne’ebé bele moris tahan ho inklima ne’ebé iha sei kontinua dezenvolve kuda.

“Ohin ita koko kuda mós produtu ida ho naran Bafo Kay Rala ne’ebé koordenasaun servisu entre Secretário de Estado Cooperativa (SECoop), Secretario de Estado das Florestas (SEF) servisu hamutuk ho Diretór Gerál no Diretór Nasionál sira ita koko kuda Bafo Kay Rala bainhira moris diak hodi tahan ba inklima ne’ebé iha ita sei dezenvolve hodi kontinua kuda tan iha área Balak” dehan S.E.SEF.

𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 SEF, agradese mós ba kompañia Dira Nova.Unipesoal.LDA, ne’ebé konsege finaliza projetu konstrusaun tuir tempu ne’ebé iha maibé tanba ho kestaun tempu ba servisu balun ne’ebé okupadu ho nune'e mak atraza iha inagurasaun, sentru treinamentu refere sei fornese ba aktividades hotu iha Ministériu Agrikultura, Pecuaria, Pescas e Florestas (MAPPF) ne'ebé iha planu atu hala'o treinamentu ou formasaun iha Sentru refere.