𝗢𝗲́-𝗖𝘂𝘀𝘀𝗲, 𝟮𝟯 𝗙𝗲𝘃𝗲𝗿𝗲𝗶𝗿𝘂 𝟮𝟬𝟮𝟲

Minsitru Obras Públikas, Samuel Marçal iha segunda-feira ne’e akompañia husi Asesor Prinsipál Rejiaun Administrativa Espesiál Oé-Cusse Ambeno (RAEOA), Agostinho Caet, reprezenta Primeiru-Ministru (PM), Kay Rala Xanana Gusmão entrega apoiu ne’ebé oferese husi Xefe Governu bá Komunidade Aldeia Saben, Suku Bobometo, Postu Administrativu Oesilo ho komunidade Aldeia Bimelo, suku Bobokasa, Postu Administrativu Pante Makasar hodi konstrui Kapela, MOP entrega ho orsamentu montante rihun $10.

“Ha’u kontenti tanba bele mai hasoru inan, aman sira iha ne’e, Primeiru-Ministru (PM), Kay Rala Xanana Gusmão bolu ha’u bá hasoru no husu ha’u atu ajuda hadia kapela ne'e, hodi bele fasilita ita boot sira bele tuir misa,” hateten Ministru Obras Públikas.

Iha biban ne’e komunidade sira husi Komunidade Aldeia Saben, Suku Bobometo, Postu Administrativu Oesilo ho komunidade Aldeia Bimelo, suku Bobokasa, Postu Administrativu Pante Makasar, manifesta sentimentu agradese bá Primeiru-Ministru Xanana Gusmão hafoin simu materiál konstrusaun bá Kapela Huebanais, ne’ebé entrega liu husi Ministériu Obras Públikas.

Inisiativa ida ne’e konsidera hanesan forma apoiu Governu atu haforsa infraestrutura relijioza no responde bá nesesidade komunidade lokál iha área refere.

https://sdi.gov.tl/ministerio/presrealease/create 

𝗠𝗶́𝗱𝗶𝗮-𝗠𝗢𝗣