Philippines, Iloilo, 25 Fevereiru 2026

Vise-Ministru Komérsiu no Indústria, Sr. Augusto Júnior Trindade, ne’ebé indikadu hanesan Líder SEOM (Senior Economic Officials Meeting) ba Timor-Leste, hamutuk ho delegasaun partisipa iha sorumutu Asosiasaun Nasaun Sudeste Aziátiku (ASEAN) iha Sidade Iloilo, Philippines, iha Kuarta-Feira.

Iha loron ne’e realiza mós sorumutu meja kabuar ida kona-ba “Seguransa Ekonómika ASEAN: Kontextu, Konsiderasaun no Dezafiu sira”, enkuantu Enkontru da-49 Forsa Tarefa Nivel Aas kona-ba Integrasaun Ekonómika ASEAN sei hala’o iha loron 26 no 27 Fevereiru.

Iha sorumutu ne’e, reprezentante Estadu-Membru ASEAN no oradór sira husi fatin oin-oin hato’o sira-nia hanoin no aprezenta planu atu hametin seguransa ekonómika ba futuru rejiaun nian.