Dili loron 25, fulan-Fevereiru, tinan 2026, Sekretáriu Estadu ba Formasaun Profisionál no Empregu Sua Exelénsia Rogério Araújo Mendonça L.Ed, hala'o sorumutu ho Departament of Foreing Affairs and Trade ( DFAT), liu husi Sra. Kalo Talofo, hodi ko'alia kona-ba kooperasaun servisu ida ne'ebé diak liután iha futuru.

Iha sorumutu ne'e parte rua deskuti kona-ba vizita primeiru Ministru Austrália nian foin liubá, ne'ebé ko'alia kona-ba aumenta kuota traballadór Timoroan nian ho numeru ne'ebé as iha futuru.

Aleinde ne'e ko'alia mós kona-ba servisu hamutuk entre SEFOPE ho DFAT, liuliu ba programa Estratéjiku tolu hanesan, Pacific Labour Mobility Support Program-PLMSP, Pacific Australasian Scholarship-PAS, ikus mak programa foun atuálmente iha hela faze dezeñu.

Sorumutu ne’e mos partisipa husi Segundu Sekretária Embaixada Austrália iha Timor-Leste, Sr. Declan, Xefe Gabinete Jacinto Ribeiro Dias, Sra. Ovania Mendonça, Assesor Sr. Mark Nicholson, no ekipa tekniku sira.