Díli, 27 Fevereiro 2026 – Embaixadór Indonézia iha Timor-Leste, Sr. Okto Dorinus Manik, mai hato’o despedidade ba Ministro Komérsiu no Indústria Sr. Nino Pereira, tanba nia misaun iha Timor-Leste termina ona. Enkontru despedida ne’e hala’o iha sala Gabinete Ministru MCI, Fomento Mandarin Dili.

Durante enkontru, Embaixadór Manik hato’o agradecimento ba Governu Timor-Leste, liu-liu ba Ministério Komérsiu no Indústria, tanba kooperasaun ne’ebé konsolidadu durante nia mandatu diplomátiku. Nia hato’o katak relasaun Timor-Leste ho Indonézia sei kontinua forte, bazeia ba prosimidade jeográfika no troka ekonómiku.

𝗠𝗶𝗻𝗶𝘀𝘁𝗿𝘂 𝗡𝗶𝗻𝗼 𝗣𝗲𝗿𝗲𝗶𝗿𝗮, hato’o apresiasaun ba Embaixadór Manik nia kontribuisaun hodi hametin relasaun komersiál no industriál entre nasaun rua ne’e. Nia reafirma, Timor-Leste sei kontinua fó prioridade ba relasaun ekonómika ho Indonézia nu’udar parte esensiál ba dezenvolvimentu nasionál.