𝟐𝟔 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

=============

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, hala’o reuniaun interministeriál daruak kona-bá koordenasaun asuntu ekonómiku.

Reuniaun ne’e iha Gabinete Vise-PM, Farol, Díli, Kinta, 26 Fevereiru, iha ne’ebé partisipa husi lideransa sira ministériu nian no sekretaria estadu relevante sira, ho objetivu atu reforsa koordenasaun intersetoriál, aliñamentu polítika ekonómika, no preparasaun ba diálogu entre setór públiku no setór privadu.

Governu kontinua komprometidu atu promove kreximentu ekonómiku inkluzivu, sustentabilidade ambientál no ambiente ne’ebé favorável ba investimentu iha Timor-Leste.