Díli 02 Marsu 2026- Ministru Komérsiu no Indústria, Nino Pereira hala’o sorumutu ho Konsellu Negósiu Timor-Leste Austrália (sigla inglesh; TLABC) iha sala reuniaun Ministru Fomento Mandarin, Díli.

Objetivu husi sorumutu ida-ne'e atu aprezenta formalmente membru konsellu administrasaun TLABC nomos fahe sira nia vizaun, objetivu, papél no responsabilidade sira ne'ebé hala'o ona dezde estabelesimentu iha tinan 2024 tuir Konferénsia Negósiu Timor-Leste Austrália nian ba dahuluk.

Iha enkontru ho Ministru Komérsiu no Indústria,Konsellu ne’e destaka progresu foin lalais ne’e iha Timor-Leste, inklui aprovasaun lei komérsiu eletróniku, lansamentu plataforma “Made in Timor-Leste”, no dezenvolvimentu Planu Asaun Fabrikasaun nian. Inisiativa sira ne’e ho objetivu atu hametin empreza ki’ik no médiu sira, atrai investimentu, no aliña lejislasaun nasionál ho padraun internasionál sira.

𝙈é𝙙𝙞𝙖 𝙈𝘾𝙄