Díli, 5 Marsu 2026 – Ministériu Juventude, Desportu, Arte no Kultura (MJDAK) hamutuk ho Ministériu Interior no Ministériu da Justiça realiza audiénsia ho Komisaun G Parlamentu Nasionál iha Parlamentu Nasionál atu diskute Proposta Lei N.º 24/V/III kona-ba Rejime Jurídiku Prátika Arte Marsiais iha Timor-Leste.

Proposta lei ne’e ho objetivu atu organiza, regula no orienta prátika arte marsiais iha país, atu bele promove desportu ne’ebé saudavel no prevene mós aktu violénsia ne’ebé dala ruma envolve grupu arte marsiais.

Ministru MJDAK, Nelyo Isaac Sarmento, hatete katak lei ida ne’e importante atu fó base legal ba autoridade sira hanesan polísia no sistema judisiáriu hodi bele halo investigasaun no desizaun ne’ebé klaru ba kazu sira ne’ebé envolve arte marsiais.

Iha tempu hanesan, Governu mós hakarak promove arte marsiais hanesan modalidade desportu, ne’ebé bele ajuda forma juventude nia disiplinu, mentalidade no kapasidade fizika.

Hametin regulamentu

Prevene violénsia

Promove desportu saudável ba juventude

#MídiaMJDAK #ArteMarsiaisTL #JuventudeTL #DesportuTL