Mehara, 4 Marsu 2026 — Sekretaria Estadu Kooperativa (SEKoop) realiza lansamentu kuda Bafo Kayrala iha LAITELO, Porlamano, Suku Mehara, Postu Administrativu Tutuala, Munisípiu Lautém.

Iha serimónia ne’e, Sekretáriu Estadu Kooperativa Eng. Arsénio Pereira da Silva, M.Agr, akompaña husi Chefe Gabinete Francisca P. de Araújo Simith, Diretór Jerál Olderico Lopes Hamutuk, Chefe Departamentu Produsaun Francisco Xavier no asesór sira.

Iha nia intervensaun, SEKoop husu funsionáriu sira ne’ebé destaka iha postu atu iha konsiénsia no komitmentu hodi servisu hamutuk ho Polícia Floresta sira, atu nune’e lansamentu ida-ne’e bele fó rezultadu di’ak iha futuru.

Iha fatin hanesan, Administrador Postu Administrativu Tutuala, Sr. Carlito Pereira, Dezavia katak kolaborasaun entre funsionáriu SEKoop no pesoál Floresta importante tebes hodi tau matan ba toos ne’ebé kuda ona.

Nia hatutan mós katak ho servisu hamutuk ne’ebé di’ak, Postu Administrativu Tutuala bele hatudu katak kuda Bafo Kayrala, ne’ebé pertense ba aihan lokál, bele lori rezultadu di’ak, la hanesan iha fatin seluk ne’ebé seidauk hatudu rezultadu maksimal hanesan iha Sentru SEKoop iha Pató no Sentru Assalaino.

Serimónia lansamentu ne’e hetan partisipasaun husi Komandante Eskuadra PNTL Postu Administrativu Tutuala, Chefe Polícia Floresta Venancio, no funsionáriu SEKoop ne’ebé destaka iha postu.

#Media_SEKoop2026