𝐇𝐞𝐫𝐚, 𝟎𝟓 𝐌𝐚𝐫𝐬𝐮 𝟐𝟎𝟐𝟔 – Ministru Komérsiu no Indústria, Sr. Nino Pereira, vizita Grupo Hortikultura Sustentável (HS) iha Aldeia Ailok-Laran, Suku Hera, atu haree besik atividade hortikultura susténtavel ba kultivasaun modo tahan, modo mutin, brinjela, baria no produtu hortikultura seluk.

Ministru apresia ba esforsu husi grupo ne’e, tanba hahu ho kapital ki’ik no fó oportunidade ba juventude lokal. Nia hatete katak governu sei kontinua sustenta iniciativa inovativu no sustentável. “Inisiativa hortikultura susténtavel la’ós deit fó renda ba komunidade, maibé aproveita rai abandonadu atu transforma sai produtivu. Grupu hanesan ida ne’e presija asesu ba formasaun kona-ba adubu orgániku no kapital hodi bele aumenta kapasidade produsaun,” 𝙃𝙖𝙩𝙚𝙩𝙚𝙣 𝙈𝙞𝙣𝙞𝙨𝙩𝙧𝙪 𝙈𝘾𝙄

Vizita ida ne’e mos fó sinal ba parseria entre Grupo HS ho Ministériu Komérsiu no Indústria, atu ajuda iha preparasaun planu negosiu, asesu ba ekipamentu modernu, no partisipasaun iha kompetisaun inovativu.

Supervisor Grupo HS, Sr. Jermanio da Silva, agradese ba vizita ne’e, hatete katak momentu ne’e importante atu fó oportunidade ba grupo hodi hato’o difikuldade sira iha prosesu produsaun.

Grupo HS ho traballador 30, fahe ba fatin rua; 15 iha Hera no 15 seluk iha Loes, ne’ebé kontinua fó kontribuisaun ba ekonomia lokal liu husi produsaun hortikultura susténtavel.

𝙈é𝙙𝙞𝙖 𝙈𝘾𝙄