Díli, 04 Marsu 2026 — Ministru Juventude, Desportu, Arte no Kultura, S.E. Nelyo Isaac Sarmento, ohin partisipa iha sorumutu Konsellu Ministrus ne’ebé hala’o iha Auditóriu Kay Rala Xanana Gusmão, iha Ministério das Finanças, Díli.

Iha sorumutu ne’e, Konsellu Ministrus aprova:

Alterasaun ba Orgánika Governu Konstitusionál IX, inklui kria kargu Vise-Ministra Negósius Estranjeirus no Kooperasaun atu reforsa ezekusaun polítika esterna nasaun nian.

Abertura konta fidusiária entre Ministériu Finansas ho EDTL, E.P. iha Banco Central de Timor-Leste hodi garante implementasaun Projetu Sentrál Enerjia Solar TIM no kontinuidade programa “Eletrisidade 802”.

Regulamentu foun kona-ba lisensiamentu atividade komersiál tuir Dekretu-Lei n.º 89/2023 no n.º 5/2026.

Proposta preliminár pakote lejizlativu kona-ba siberseguransa hodi hametin seguransa sistema informasaun no infraestrutura krítika sira.

Konsellu Ministrus mós rona relatóriu monitorizasaun Planu Estratéjiku Dezenvolvimentu 2011–2030, analiza situasaun iha RAEOA, no rona aprezentasaun kona-ba partisipasaun Timor-Leste iha sesaun anuál Commission on the Status of Women (CSW) iha sede United Nations, Nova Iorque.

Sorumutu ne’e reflete kompromisu Governu atu kontinua hametin governasaun di’ak, transparénsia no dezenvolvimentu sustentável ba Timor-Leste.

Haree informasaun ofisiál liu tan husi MJDAK: https://mjdac.gov.tl/

#MídiaMJDAK #KonselluMinistrus #GovernuTL #TimorLeste