Dili, 06 Marsu 2026

Ministru Transportes no Komunikasaun, Eng.Miguel Marques Gonçalves Manetelu sesta ohin, partisipa reuniaun Konsellu Ministru iha sala auditóriu Kay Rala Xanana Gusmão, Ministériu Finansas Aitarak Laran Dili.

Governu analiza ona informasaun ne’ebé aprezenta nomos konsidera nesesidade atu garante kontinuidade prosedimentu konkursu nian no evita atrazus iha ezekusaun Projetu Tasi Mane, liuliu SSB no Auto estrada Zumalai–Natarbora. Konsellu Ministrus delibera hodi foti nota bá informasaun sira ne’ebé aprezenta husi Ministru Petróleu no Rekursus Minerais kona-bá konteúdu karta husi Embaixada Repúblika Populár Xina nian relasiona ho empreza ne’ebé mak iha klasifikasaun di’ak liu ba Lote 2.

Nune’e mós deside hodi autoriza CNA atu hahú negosiasaun ho empreza xineza ne’ebé mak iha klasifikasaun di’ak liu bá Lote 2, nomos kontinua akompaña, monitoriza no konfirma konkluzaun prosedimentus regulatórius Xina nian ne’ebé nesesáriu bá transferénsia fundus no ezekusaun projetus iha estranejeiru.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊