𝑫𝒊𝒍𝒊, 𝒅𝒐𝒎𝒊𝒏𝒈𝒖 01 𝑴𝒂𝒓𝒔𝒖 2016 - 𝑺𝒖𝒂 𝑬𝒙𝒆𝒍é𝒏𝒔𝒊𝒂 𝑴𝒊𝒏𝒊𝒔𝒕𝒓𝒂 𝑬𝒅𝒖𝒌𝒂𝒔𝒂𝒖𝒏 𝑫𝒓𝒂.𝑫𝒖𝒍𝒄𝒆 𝒅𝒆 𝑱𝒆𝒔𝒖𝒔 𝑺𝒐𝒂𝒓𝒆𝒔 𝒂𝒌𝒐𝒎𝒑𝒂ñ𝒂 𝑺𝒖𝒂 𝑬𝒙𝒆𝒍é𝒏𝒔𝒊𝒂 𝑷𝒓𝒊𝒎𝒆𝒊𝒓𝒖-𝑴𝒊𝒏𝒊𝒔𝒕𝒓𝒖 𝑲𝒂𝒚 𝑹𝒂𝒍𝒂 𝑿𝒂𝒏𝒂𝒏𝒂 𝑮𝒖𝒔𝒎ã𝒐 𝒉𝒐𝒅𝒊 𝒉𝒂𝒍𝒐 𝒅𝒊á𝒍𝒐𝒈𝒖 𝒉𝒐 𝒌𝒐𝒎𝒖𝒏𝒊𝒅𝒂𝒅𝒆 𝒔𝒊𝒓𝒂 𝒏𝒆'𝒆𝒃é 𝒐𝒌𝒖𝒑𝒂 𝒂𝒓𝒆𝒂𝒅ó𝒓 𝑬𝒔𝒌𝒐𝒍𝒂 𝑬𝒏𝒔𝒊𝒏𝒖 𝑩á𝒛𝒊𝒌𝒖 𝑫𝒖𝒒𝒖𝒆 𝒅𝒆 𝑪𝒂𝒊𝒙𝒊𝒂𝒔 𝑩𝒆𝒎𝒐𝒓𝒊.

Iha intervensaun Sua Exelénsia Primeiru-Ministru Kay Rala Xanana Gusmão hatete, planu hodi halo evakuasaun ba komunidade ne'ebé hela iha areadór eskola la signifika katak la gosta sira maibé planu ba Timor tomak atu bele prepara oan sira ba futuru rai ida-ne'e nian. "Halo ida-ne'e tanba oan sira, nune'e governu sei prepara buat ruma atu nune'e bainhira ita-boot sira sai iha fatin ne'e, bele prepara netik uma oan ida hodi bele hela maibé ida-ne'e komprensaun atu ajuda malu tanba labarik sira-ne'e maka sei loron ida Timor ba oin", tenik SE. Primeiru-Ministru.

Enkuantu Sua Exelénsia Ministra Edukasaun Dra.Dulce de Jesus Soares argumenta, Ministériu Edukasaun dadaun ne'e kontinua servisu atu garante katak fatin seguru ba estudante no profesór sira." Prosesu aprendizajen ba estudante sira ita tenki garante ho seguru no eskola tenki sai fatin ida-ne'ebé amigavel no kontente iha sira-nia sala laran nomós iha areadór eskola", Dehan SE.Ministra.

Governante ne'e esplika, objetivu ohin dadeer ne'e mai iha- ne'e atu rezolve situasaun ida ho komunidade sira ne'ebé hela iha areadór eskola ne'e tanba fiar katak labarik sira-ne'ebé eskola iha- ne'e mai husi komunidade ne'ebé hela besik iha- ne'e.

Nune'e iha diálogu ne'e marka prezensa husi Sua Exelénsia Primeiru-Ministru Kay Rala Xanana Gusmão, Sua Exelénsia Ministra Edukasaun Dra. Dulce de Jesus Soares, Sua Exelénsia Ministru Interiór, Sua Exelénsia Sekretáriu Estadu Terras no Propriedade, Prezidente Autoridade Munisípiu Dili, Komandante Polísia Munisípiu Dili, Autoridade komunitária no Komunidade afetadu sira.

#EliasdaCosta

#MédiaME