𝗔𝗶𝗻𝗮𝗿𝗼, 𝟬𝟳 𝗠𝗮𝗿𝘀𝘂 𝟮𝟬𝟮𝟲

Primeiru-Ministru (PM), Kay Rala Xanana Gusmão akompaña husi Ministru Obras Públikas (MOP), Samuel Marçal hala'o observasaun bá kondisaun edifísiu klínika São Joaquim Maubisse, sábadu ne’e.

Primeiru-Ministru hala'o observasaun ne'e bainhira halo viajen hodi “Haree besik servisu munisipál Manufahi husi rezultadu avaliasaun kondisaun mínima” molok avansa bá eleisaun Governu lokál ne’ebé sei akontese iha 2027.

Klínika ne'e harii husi Irmãs Carmelita sira ne'ebé hala'o missaun iha postu administrativu ne'e.

Objetivu husi harii Klínika ne'e atu bele hala'o atendimentu bá populasaun ne'ebé moras.

PM Xanana enkoraza Irmã sira no Timoroan sira ne'ebé servisu iha Klínika ne'e atu bele serví ho domin.

Irmã sira kontente no agradese bá prezensa PM Xanana nian tanba bele haree direta kondisaun atuál Klínika ne'e.

Iha observasaun ne'e PM Xanana akompaña direta husi Amo Pároku Parókia Imaculado Coração de Maria Maubisse, Padre João Soares ho estrutura Konsellu Pastorál Parokiál no Madre sira.

https://sdi.gov.tl/ministerio/presrealease/create 

*𝗠𝗶́𝗱𝗶𝗮-𝗠𝗢𝗣*