Dili, 09 marsu 2026 - Parlamentu Nasionál liu husi sesaun plenária ordinária ohin, Deputadu sira aprova iha Final Globál ba Projetu Lei nú 8/VI(2.ª) Lei Baze Edukasaun Pre-Eskolár, Ensinu Báziku no Sekundáriu, Modalidade Espesiál Edukasaun Eskolár, Edukasaun Extraeskolár no Formasaun Profisionál no revoga Lei nú 14/2008, loron 29 fulan outubru.

Projetu lei ne’e hetan inisiativa husi destintu deputadu sira iha komisaun G no Ministériu Edukasaun ne’ebé lidera husi Sua Exelénsia Ministra Edukasaun Dra. Dulce de Jesus Soares no Sekretériu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos.

Nune’e iha aprezentasaun Lei Baze Edukasaun, distintu deputadu sira hala’o votasaun Finál Globál ho votus a favór 56, Kontra 0 no Abstensaun 0 no hetan partisipasaun másimu husi dirijente Ministériu Edukasaun nian.

#MédiaME