Dili, 10 Marsu 2026

Ministru Transportes no Komunikasaun, Eng.Miguel Marques Gonçalves Manetelu, tersa ohin partisipa enkontru Enkontru Interministeriál bá diskusaun Pakote Siberseguransa iha sala enkontru PCM Palásiu Governu Dili.

Ministru Manetelu akompaña husi, Prezidente ANC Flávio Cardoso Neves, Diretór Ezekutivu, TIC TIMOR, Venâncio Pinto, Asesór tékniku Ministru João Olivio, asesór ANC Timor-Leste, José Lay, asesór Juridiku Paulo Duarte no Xefi Unidade Siberseguransa Agostinho Araújo Pereira.

Enkontru ne’e objetivu atu kontinua ho análize klean ida kona-bá pronunsiamentu no kontribuisaun sira ne'ebé aprezenta hosi entidade oioin ne'ebé envolve.

Ajenda sira hanesan tuir mai ne’e :

1. Revizaun badak kona-bá desizaun sira husi enkontru interministeriál.

2. Aprezentasaun kona-bá Pronunsiamentu, Aprezentasaun no rezumu kontribuisaun ne’ebé hato’o husi instituisaun sira tuir mai ne’e : Ministériu Justisa, Servisu Intelijénsia Nasionál, Estadu nian (SNIE), Polísia Nasionál Timor-Leste (PNTL), Banku Sentrál Timor-Leste nomos Ministériu Transporte no Komunikasaun.

3. Diskusaun Tékniku kona-bá Rekomendasaun Prinsipál sira Ajustamentu legál no prosesuál sira ne'ebé propoin Asuntu institusionál no kompeténsia sira husi entidade sira Definisaun konseitu no klasifikasaun krime sira Kooperasaun internasionál no fahe dadus Protesaun bá denunsiante.

4. Metodolojia bá Integrasaun Proposta sira. Análize komparativa entre dekretu setoriál sira ne’ebé iha no Pakote Siberseguransa Posível inkorporasaun proposta lejizlativa husi Ministériu Justisa no Ministériu Transporte no Komunikasaun. Petisaun sira bá esklaresimentu kona-bá Artigu 2 no definisaun setór bankáriu, propoin alternativa ida.

Hakarak atu rejime protesaun bá denunsiante sira aplika mós bá ofensa ekonómika sira no luta hasoru terorizmu.

5. Ministériu Transportes no Komunikasaun Aprezenta pronunsiamentu 2, iha loron 12.02.26 no 05.03.26. Kontra metodolójia no jeralmente konteúdu Pakote nian.

Krítika rejime protesaun denunsiante sira no sujere atu rekorre bá nasaun sira ASEAN nian nia modelu iha siberseguransa.

Notas no asaun sira tuir mai :

Jeralmente, ajustamentu sira ne'ebé propoin adekuadu no bele inkorpora, hafoin diskusaun. Kona-bá dekretu setorál sira ne’ebé Ministériu Justisa no Transporte promove tiha ona, sujere atu halo análize komparativa ida entre sira-nia konteúdu no konteúdu pakote nian. Se sira seidauk inklui iha pakote, sujere sira-nia inkorporasaun hodi mantein unidade no koerénsia iha lejislasaun, hodi evita dekretu sira ne'ebé namkari no izoladu.

Iha enkontru iha loron 10 fulan-marsu tinan 2026, sujere atu aprova metodolójia ne'ebé refere iha pontu rua anteriór, hodi husu bá Ministériu Justisa no Ministériu Transporte atu indika, iha loron 20 nia laran, karik sira iha intensaun atu inkorpora dekretu sira iha pakote, liuhosi ezase komparativu ida.

Hafoin ne’e, GDPPE halibur sujestaun no ajustamentu hothotu no husu ajendamentu reuniaun interministeriál foun ida iha prazu loron 30 nia laran bá aprovasaun testu finál pakote nian, liuhosi akta ne’ebé dokumenta konsensu ne’ebé alkansa ona.

Loron ikus atu konklui diskusaun interministeriál: 31 Maiu 2026

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊