𝗠𝗮𝗻𝘂𝗳𝗮𝗵𝗶, 𝟬𝟵 𝗺𝗮𝗿𝘀𝘂 𝟮𝟬𝟮𝟲

Iha fulan-fevereiru tinan 2026, Primeiru-Ministru (PM) Kay Rala Xanana Gusmão hala'o vizita servisu bá munisípiu sira iha Timor-Leste hodi monitoriza no avalia preparasaun bá implementasaun podér lokál no desentralizasaun administrativo.

Objetivu prinsipál sira husi vizita sira-ne'e mak atu haree besik kondisaun mínimu halo avaliasaun bá kbiit no infraestrutura sira iha munisípiu nian hodi simu kompeténsia foun iha futuru.

Iha vizita servisu ne’e Xefe Governu monitoriza mós servisu munisipál hodi haree diretamente oinsá administrasaun munisipál sira serví povu iha baze.

PM Xanana uza oportunidade ida ne'e mós atu rona diretamente husi autoridade lokál no komunidade sira kona-bá dezafiu sira ne'ebé sira enfrenta.

Prioridade IX Governu bá implementasaun podér lokál sai nu'udar programa prioridade husi IX Governu Konstitusionál atu lori dezenvolvimentu besik liu bá povu.

Antes ne’e Primeiru-Ministru akompaña husi membru governu balun vizita ona munisípiu hanesan Likisa, Ermera, Aileu no Manatuto (27 Fevereiru 2026).

Iha vizita ne’e Primeiru-Ministru akompaña husi membru Governu balun no partisipa husi autoridade munisipál, seitór privadu, autoridade postu, autoridade lokál, veteranus, diretór servisu munisipál sira, xefe departementu sira, intelektuál sira inklui mós autoridade sivíl ho militár.

https://sdi.gov.tl/ministerio/presrealease/create 

*𝗠𝗶́𝗱𝗶𝗮-𝗠𝗢𝗣