Dili, 04 Marsu 2026; Vise-Ministru ba Operasionalizasaun Ospitál (VMOH-sigla portugés), dr. Flávio Brandão Mendes de Araújo, ohin hala’o enkontru ho ekipa hosi Banku Mundiál, iha knaar fatin, Palácio das Cinzas, Caicoli.

Enkontru ne’e nu’udar enkontru koordenasaun hodi ko’alia kona-bá projetu fundu pandémia ho montante USD 13 miliaun ne'ebé sei foka ba iha Sistema Vijilánsia no alerta sedu; Dezenvolvimentu kapasidade Rekursu Umanu ba Saúde no Fortalesimentu laboratóriu projetu ne'e sei inklui formasaun, sosa ekipamentu, sistema dijitál, ezersísiu simulasaun (SIMEX), no atividade seluk tan.