Ataúro, sábadu 07 / Marsu / 2025 Ministériu Edukasaun liuhusi Sub-InspetórJerál Interinu Sr. Jeremias Gomes, hamutuk ho Sekretária Asuntu Sosiál no Organizasaun Komunitária Sra. Eliasefa Barreto, Reprezentante Diretor PHD Sr. Venâncio L. Carvalho, entrega Sertifikadu ba formandu sira ne’ebé Kompleta ona Formasaun Lideransa sira iha Maumeta Salaun MPC Autoridade Administrativu Ataúro.

Iha Diskursu Sub-Inspetór Jerál Interinu Sr. Jeremias Gomes, hateten, programa ne’ebé maka parseiru dezenvolvimentu fó apoiu iha área edukasaun nian, maka ministériu tenke agradese tebes ba parseiru sira tanba sira fó ona rekursu no kapasitasaun ba manorin sira iha área edukasaun.

Iha sorin seluk, Sekretária Asuntu Sosiál no Organizasaun Komunitária Sra. Eliasefa Barreto, hato'o agradese tebes ba hotu-hotu nian dedikasaun, apoiu no ministériu koopera hamutuk durante servisu ida-ne’e liuliu agradese mós ba governu austrália liuhusi PHD no ba autoridade administrativu ataúru. Hanesan Autoridade Ataúro apresia tebes ba parseiru sira-nia prezensa mai apoiu ba rekursu finanseiru, rekursu umanu no rekursu materiál iha autoridade Ataúro “Liu-liu ba lideransa sira oinsá atu jere ita-nia eskola sira ne’ebé bele la’o di’ak ho finalidade maka kualidade edukasaun ba ita-nia oan sira hotu no agradese mós ba lideransa sira iha eskola hotu-hotu iha Ensinu Báziku ne’ebé la’o ho di’ak.” dehan Sekretária Asuntu Sosiál no Organizasaun Komunitária.”

#JornalistaReis

#MediaME