Baucau 4 Marsu 2026' Ministeriu Agrikultura Pekuària Peska no Floresta liu husi Diresaun Nasionàl Extensaun Agricola realiza enkontru liña Koordenasaun Servisu entre Agrikultura Nasionàl no Munisìpiu nune'e hodi servisu hamutuk atu bele hasa'e produsaun hare iha rai laran hahú husi nivel suku to'o Nasionàl.

Diretór Nasionàl Extensaun Formasaun Agrikola, Januario Marçal esplika, servisu Administrativamente husi Municipal maibè servisu tekniku nafatin liga husi agrikultura nasional tanba ne'e mak Diresaun Nasionàl halo enkontru mobilizasaun pessoal extensaun sira iha kada munisípiu tanba extensionista nia papèl inportante tebes hodi hasa'e produsaun hare, hare hanesan ai-han estratejiku Nasionàl ne'eduni Extensaun hanesan fatór determinate molok tempu kuda hahù.

Nia mòs hatutan, epoka kuda 2026 mak sei hatudu oportunidade atu hatudu efikàsia hosi sistema estensaun nian ne'eduni servisu extensaun mak efisien no efikàs liu." Hahù husi 2020 to'o 2025 ne'e dadus produsaun sae tanba husi dadus Munispiu Baucau iha klasifikasaun Númeru 3 husi Munisìpiu sira hotu nune'e ba oin tenki esforsu atu hasa'e tan produsaun hare iha 2026".

Iha fatin hanesan,Diretór Agrikultura Municipal Baucau Agustinho Ximenes , servisu Nasionàl ga munisipiu tenki envolve autoridade lokàl sira tanba servisu Extensionista sira besik liu komunidade sira tanba ne'e mak atividade saida de'it mak hala'o iha suku no aldeia tenki iha kuiñesemntu Autoridade nivel suku, nune'e ba oin ita servisu hamutuk hodi hasa'e produtividade agrikola.

Enkontru ne'e partisipa husi Extensionista sira iha Munisìpiu Baucau, xefe Departamentu sira husi DNEFA, no staf tekniku Munisìpiu no Nasionàl.Ekipa DMEA