Sesaun PDB hanesan tradisaun ida ne'ebé DNEE liu husi Departamentu LSU sempre realiza ba traballadór sira antes sira viajen ba servisu iha Austrália. Iha sesaun refere, partisipante sira aprende lisaun importante sira hanesan Lei, Kultura Austrália nian husi ekipa LSU no Home Affairs Embaixada Austrália, inklui literasia finanseiru ne'ebé fasilita husi parseiru BNCTL no ANZ.

Alende sesaun sira ne'e, ekipa LSU mós introdús plataforma digital ida ne'ebé hanaran Worker Portal ba traballadór sira. Pratikamente, espesialista Sistema IRD sira ne'ebé kompostu husi Koordenadora IRD no Jestor Dadus LSU, inklui suporta tékniku, fó mós instrusaun ba traballadór sira oinsá atu halo operasaun ka login ba plataforma Worker Portal refere.

Iha diskursu Diretor alende afirma Komitementu no kompetensia SEFOPE iha prosesu rekrutamantu no mobilizasaun trabllador Diretor mos fo enfaze mensagen importante katak” Husu ba trabllador sira hotu atu implementa konesimentu hotu nebe ita boot sira hetan ona durante sesaun PDB.

Alende Diskursu husi Diretor, reprezentante trbalaldor mos hato’o ninia apresiasaun ba Plataforma Trabalaldor nebe SEFOPE foin mak lansa iha semana ida ne’e nia laran.

"Ha'u agradese tebes kona-ba sistema Portal Traballadór ida ne'e, tanba sei fasilita ami traballadór sira atu bele atualiza diretamente ami nia perfil husi ami nia hela-fatin. Ha'u agradese tebes tanba bainhira feriadu mai Timor-Leste, ha'u bele gasta tempu barak liu ho ha'u nia família, tanba ha'u mai husi munisípiu ne'ebé dook (Oe-Cusse).

"Liuliu, agradese ba parte Governu tanba bele kria ona sistema diak ida ne'e mai ami. Obrigadu. No, Maromak haraik bensaun ba ita hota-nia servisu ba Timor-Leste nia prosperidade," dehan Bernando António, traballadór husi Koala Farm.

Sesaun Pre-Departure Briefing ne'e reafirma kompromisu kontinuidade SEFOPE nian atu proteje traballadór sira iha rai-li'ur liu husi preparasaun ne'ebé di'ak, inovasaun dijitál. LSU kontinua serbisu ho makas atu asegura katak kada traballadór sira bele iha koñesimentu no ferramenta sira ne'ebé sira presiza hodi bele ajuda sira servisu iha Australia ho seguru no susesu .