DÍLI, 10 Marsu 2026: 𝐒𝐞𝐤𝐫𝐞𝐭á𝐫𝐢𝐮 𝐄𝐬𝐭𝐚𝐝𝐮 𝐀𝐬𝐮𝐧𝐭𝐮 𝐓𝐨𝐩𝐨𝐧í𝐦𝐢𝐚 𝐧𝐨 𝐎𝐫𝐠𝐚𝐧𝐢𝐳𝐚𝐬𝐚𝐮𝐧 𝐔𝐫𝐛𝐚𝐧𝐚 (𝐒𝐄𝐀𝐓𝐎𝐔), 𝐆𝐞𝐫𝐦𝐚𝐧𝐨 𝐒𝐚𝐧𝐭𝐚 𝐁𝐫𝐢𝐭𝐞𝐬 𝐃𝐢𝐚𝐬, hamutuk ho 𝐞𝐤𝐢𝐩𝐚 𝐭é𝐤𝐧𝐢𝐤𝐮 𝐡𝐨𝐬𝐢 𝐌𝐢𝐧𝐢𝐬𝐭é𝐫𝐢𝐮 𝐎𝐛𝐫𝐚𝐬 𝐏ú𝐛𝐥𝐢𝐤𝐚𝐬 (𝐌𝐎𝐏) no 𝐃𝐢𝐫𝐞𝐬𝐚𝐮𝐧 𝐓𝐞𝐫𝐫𝐚𝐬 𝐞 𝐏𝐫𝐨𝐩𝐢𝐚𝐝𝐚𝐝𝐞𝐬 𝐌𝐮𝐧𝐢𝐬í𝐩𝐢𝐮 𝐃í𝐥𝐢, hala’o hela levantamentu dadus no verifikasaun ba uma sira ne’ebé afetadu hosi projetu alargamentu estrada iha área Terminál ba Fatuahi Leten, postu Cristo-Rei, Munisípiu Díli.

Ekipa hahú tau markasaun ba uma sira iha loron 6 Marsu 2026 no kontinua verifika dadus, iha loron segunda, 09 Marsu 2026 to'o ohin tersa, 10 Marsu 2026, Objetivu Identifika no foti dadus kona-ba uma, rai, no ai-horis sira ne’ebé kona alargamentu estrada hodi fasilita prosesu indimizasaun ka kompensasaun ba komunidade sira ninia rikusoin.

Governu husu ba komunidade sira iha área refere atu koopera ho ekipa tékniku sira nune'e serbisu foti dadus bele la'o ho di'ak ba interese dezenvolvimentu infraestrutura sidade Dili nian