𝐒𝐄𝐀𝐓𝐎𝐔 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐋𝐀𝐍𝐒𝐀𝐌𝐄𝐍𝐓𝐔 𝐏𝐑𝐎𝐉𝐄𝐓𝐔 𝐑𝐄𝐀𝐁𝐈𝐋𝐈𝐓𝐀𝐒𝐀𝐔𝐍 𝐄𝐒𝐓𝐑𝐀𝐃𝐀 𝐁𝐄𝐓𝐀𝐍𝐎-𝐍𝐀𝐓𝐀𝐑𝐁𝐎𝐑𝐀 𝐍𝐎 𝐀𝐒𝐈𝐍𝐀 𝐊𝐎𝐍𝐓𝐑𝐀𝐓𝐔 𝐁𝐀 𝐌𝐄𝐋𝐋𝐎𝐑𝐀𝐌𝐄𝐍𝐓𝐔 𝐁𝐄𝐄 𝐌𝐎𝐎𝐒 𝐁𝐀 𝐒𝐀𝐌𝐄 𝐕𝐈𝐋𝐀 MANUFAHI, 08 Marsu 2026, 𝐒𝐞𝐤𝐫𝐞𝐭á𝐫𝐢𝐮 𝐄𝐬𝐭𝐚𝐝𝐮 𝐀𝐬𝐮𝐧𝐭𝐮 𝐓𝐨𝐩𝐨𝐧í𝐦𝐢𝐚 𝐧𝐨 𝐎𝐫𝐠𝐚𝐧𝐢𝐳𝐚𝐬𝐚𝐮𝐧 𝐔𝐫𝐛𝐚𝐧𝐚 (𝐒𝐄𝐀𝐓𝐎𝐔), 𝐆𝐞𝐫𝐦𝐚𝐧𝐨 𝐒𝐚𝐧𝐭𝐚 𝐁𝐫𝐢𝐭𝐞𝐬 𝐃𝐢𝐚𝐬, partisipa iha lansamentu assina kontratu projetu reabilitasaun estrada Betano (Manufahi) ba Natarbora (Manatuto) inklui projetu melloramentu sistema bee moos ne’ebé sei fornese ba komunidade sira iha Same Vila. Atividade ba lansamentu ne’e realiza iha eskola Sekundária Jerál São Miguel Arcanjo, Aldeia Rialau, Suku Letefoho, Posto Administrativu Same Vila,Munisipíu Manufahi. Projetu Reabilitasaun Estrada Hosi Betano bá Natarbora sei konstrui hosi empreza tolu mak hanesan empreza Linated Unipessoal Lda Timor-Leste sei responsabiliza pakote III hosi KM 15+000 to'o 22+500 ho orsamentu $3,767483.31 durante fulan 12, empreza Lizi Construction Unipessoal, Lda Timor-Leste sei responsabiliza arteriál A14 pakote IV ho orsamentu $3,669,237.29 durante fulan 12 no empreza Tinolina Unipessoal, Lda Timor-Leste responsabiliza pakote V KM 30+000 to'o 38+657.39 ho orsamentu $4,705,409.39 durante fulan 12. Politika IX Governu Konstitusionál bá rehabilitasaun estrada rurál sira ho objetivu prinsipál maka hadi’a asesu transporte atu ema iha área rurál bele la’o bá merkadu, ospitál no eskola fásil-liu. Hamenus izolamentu, estrada di’ak ajuda suku no aldeia sira ne’ebé do’ok atu liga ho sidade no sentru ekonomia. Haforsa ekonomia lokál, agrikultór sira bele lori sira-nia produtu bá merkadu fásil-liu, hodi hasa’e rendimentu família. Apoia servisu públiku, ambulánsia, profesór no servisu governu sira bele asesu bá komunidade ho fásil. Dezenvolve área rurál, Rehabilitasaun estrada ajuda promove dezenvolvimentu hanesan turizmu, negósiu ki’ik no infraestrutura seluk. Polítika ida-ne’e importante tebes atu hasa’e moris di’ak bá populasaun rurál no hamosu dezenvolvimentu ekonómiku iha rai-laran.