Dili, 06 Marsu 2026 - Sekretáriu Estadu Terras no Propriedades (SETP), Sr. Jaime Xavier Lopes, M.Eng., akompaña hosi assessores legál na'in rua, hodi simu audiénsia ho Komunidade ne'ebé sira nia rai hetan disputa iha Tasi-Tolu.

Iha sorumutu ne'e, Komunidade sira aprezenta sira nia dokumentu kona-ba rai nian ba Sekretáriu Estadu Terras no Propriedades, hodi haree nia legalidade kona-ba sira nia rai ne'ebé hetan disputa.

Antes ne'e, Sekretáriu Estadu Terras no Propriedades (SETP), Sr. Jaime Xavier Lopes, M.Eng., akompaña Primeiru-Ministru Kay Rala Xanana Gusmão tun direta hodi halo observasaun ba disputa rai entre komunidade iha Tasi-Tolu.

Prezensa SETP - PM iha tempu ne'e, hetan akompaña hosi Komandante Jeral PNTL no Komandante PNTL Munisípiu Dili inklui Oknum polísia sira, hodi asegura no suspende provizóriu ba atividade sira iha rai nia leten. Objetivu hosi vizita ne'e maka atu asegura labele iha problema, hodi fo posibilidade ba governu liuhusi SETP atu buka solusaun ba problema disputa rai entre komunidade ne'ebé akontese iha Rai-Kotu.

Mídia SETP