Asuntu : Ministra MSSI Apoiu Ai-han ba Vulnerável Suku 4 Iha Postu Baguia
Data Publica : 08 Sep 2025
Descrisaun :

Ministra Solidariedade Sosiál no Inkluzaun, Verónica das Dores, apoiu ai-han no pakote komplementár ba maluk vulnerável hamutuk 350 benefisiárius husi suku haat (4) iha Postu Administrativu Baguia, Munisípiu Baucau.

Atividade apoiu ai-han realiza iha Edifísiu Administrasaun Postu Baguia, Sesta-feira (05/09/2025).

Iha oportunidade ida-ne’e, Ministra esklarese ba komunidade sira katak, Programa apoiu ai-han ninia alvu mak maluk vulnerável sira hanesan:

Erois Vivus

️Idozus Abandonadus

Ema ho Defisiénsia

️Inan Isin-Rua no Inan Fó-Susu

Inan ho Oan Abandonadu

Uma-Kain Kbiit-Laek

Pasiente Vulnerável

Família Sirkunstánsia

Vítima Violénsia Bazeia ba Jéneru

Tan ne'e, Ministra husu ba Xefe Aldeias, Xefe Sukus no Delegadu/a sira, atu bainhira foti dadus ema vulnerável, labele haree ba kor, rasa no partidu, tanba governu taumatan ba ema hotu-hotu hanesan, katak Ministra.

Entretantu, lista maluk vulnerável 350 ne'ebé hetan apoiu ai-han, mai husi suku 4 hanesan:

1. Suku Alawa Kraik 100 pesoas

2. Suku Afaloicai 70 pesoas

3. Suku Osso Huna 80 pesoas

4. Suku Haeconi 100 pesoas

Iha tempu hanesan, Reprezentante Prezidente Autoridade Munisípiu Baucau, atuál Sekretáriu Asuntu Sosiál no Organizasaun Komunitária, Maria Celestina Viegas hatete, Baucau oan tau esperansa tomak ba Ministra, atu vizita nafatin komunidade sira iha área remotas, hodi taumatan ho dignu ba Erois Vivus, tanba sira mak hakotu funu iha 30 Agostu 1999 liuhusi Konsulta Populár.

"Ami apresia tebes tanba Ministra nia vizita ba áreas remotas, Reprezenta S.E Primeiru-Ministru, hakbesik aan liután ba inan-aman sira hodi hakuhak sira ho domin. Ida-ne’e mak defini iha Objetivu Dezenvolvimentu Sustentável (ODS) katak, Iha Inkluzaun Sosiál La-Husik Ema Ida Iha Kotuk", tenik nia.

 

 

Voltar

Galeria

Video

Dokumentus