𝐃Í𝐋𝐈-𝐊𝐮𝐚𝐫𝐭𝐚 𝟎𝟒/𝟎𝟑/𝟐𝟎𝟐𝟔,

S.E Primeiru Ministru Sr. Kay Rala Xanana Gusmão, lidera sorumutu Konsellu Ministru, iha okaziaun ne’e, S.E. Ministra Finansas Sra. Santina José Rodrigues F. Viegas Cardoso, aprezenta konta fidusiária ida entre Ministériu Finansas ho EDTL, E.P, iha Banku Sentrál Timor-Leste.

Konsellu Ministru aprova ona projetu Rezolusaun Governu nian, ne’ebé aprezenta hosi Ministra Finansas, ne’ebé determina abertura ba konta fidusiária ida entre Ministériu Finansas ho Eletrisidade de Timor-Leste, Empresa Públika (EDTL, E.P.), iha Banku Sentrál Timor-Leste, ho intensaun atu garante operasionalizasaun Garantia Estadu nian ne’ebé relasiona ho dezenvolvimentu Projetu Sentrál Enerjia Solar TIM nian.

Medida ne’e mai hosi Kontratu Akizisaun Enerjia ne’ebé asina hosi EDTL ho konsórsiu internasionál ne’ebé responsavel ba dezenvolvimentu projetu, no ho objetivu atu garante katak, karik ativa garantia Estadu nian, iha mekanizmu klaru no imediatu hodi halo pagamentu sira ne’ebé prevee ona, atu nune’e bele garante simultaneamente transparénsia no rastreabilidade (akompaña ho fasil) operasaun finanseira nian.

Tuir termus hosi Rezolusaun Governu nian ne'ebé agora aprova ona, Ministériu Finansas sei loke konta fidusiária to'o montante másimu millaun 18 dolar amerikanu, montante ida ne'ebé sei utiliza eskluzivamente hodi suporta kualkér pagamentu sira tuir Garantia Estadu nian relasiona ho Projetu Tim Solar Panel. Montante ida-ne’e sei hasai hosi montante globál dolar amerikanu millaun 121,9 ne’ebé autoriza ona ba transferénsias hosi Orsamentu Jerál Estadu ba EDTL, iha ámbitu programa “Eletrisidade 802”, ho intensaun atu garante kontinuidade servisu fornesimentu eletrisidade públika nian.

Reuniaun ne’e hala’o iha sala auditorium Ministériu Finansas Aitarak-laran, hetan prezensa másimu husi Membru Governu sira.

#Foto: #Ekipa #Média #Ofisial #Ministériufinansas