𝐃Í𝐋𝐈-𝐓𝐞𝐫𝐬𝐚 𝟏𝟎/𝟎𝟑/𝟐𝟎𝟐𝟔,

Ministériu Finansas liuhusi Diresaun-Jerál Patrimóniu Estadu (DGGPE-sigla portugés) realiza treinamentu ba responsavél aprovizionamentu iha liña ministériu nomós entidade sira, kona-ba re-fresing treinning sistema Planu Rekursu Governu (GRP-sigla inglés) Asset Module.

Hakarak agradese ba ita hotu nia superior sira, liuliu ba ita-boot sira ida-idak niasuperior, ne’ebé maka tau ona fiar hodi nomea ona ita-boot sira mai tuir formasaun ka treinamentu ida ne’e. Treinamentu ba faze ida ne’e nudaar kontinuasaun ka re-fresing treinning de’it, tamba atu kontinua deit fo hanoin fila fali oinsá maka atu uza no opera sistema GRP Asset module ne’ebé maka ita hahú utiliza tiha ona iha tinan 2025 uainhira ita hahú halo kompras ba kapitál minor.

Durante diskursu Diretora Jerál Jestaun Patrimoniu Estadu Sra. Timotia Pompeia Marques, hateten atu fo hanoin fila fali ba ita hotu katak Sistema GRP Asset module, parte ida husi sistema Jestaun Finansas Públikas ne’ebé maka atu asegura inventarizasaun ba patrimonio Estadu tomak tantu Bens moves no Imoveis, nebe klasifika ona iha Chart of Account tuir padraun kontablidade nian.

Tinan kotuk ita hahú daudaun ona ho inventarizasaun ba bens moveis ne’ebé maka kompras foun, purtantu ba bens moveis ne’ebé maka eziste antes 2025 ita presija halo migrasaun ne’ebé hetan apoiu husi Unidade Sistema Integradu Informasaun no Jestaun Finanseira (IFMISU-sigla inglés). Ba beins imoveis sira hotu depois de treinamnetu ida nee ita sei kordena hodi inventariza moz iha sistema, atu nunee hahu tinan oin ita bele dada ona relatorio ba konta Jeral Estadu liu huzi sistema ida nee.

Diretora Jerál ne’e enkoraza partisipante sira atu kontinua partisipa treinamnetu ida ne’e ho kompletu no to’o remata. Ba faze ida ne’e ita-nia treinamentu hala’o iha loron sorin de’it durante loron 3 nune’e atu bele fó tempu mós ba ita boot sira bele kontinua halao ita boot sira-nia servisu. Treinamentu ne’e rasik fahe ba grupu 5, kada grupu iha ema nain 44, treinadór sira mai husi funsionáriu Ministériu Finansas nian rasik.

Treinamentu ne’e hala’o iha sala auditorium Ministériu Finansas, hetan prezensa másimu husi treinadór no partisipante sira.

#Foto: #Ekipa #Média #Ofisial #Ministériufinansas