Atu asegura ezekusaun orsamentu ne'ebé la’o tuir dalan legál no transparente, MJDAK realiza workshop espesiál ba dirijente no funsionáriu sira iha Salaun Uma Ne’e Biti Boot, Lecidere – Dili.

Workshop ne’ebe organiza husi Gabineti Inspesaun no Auditoria (GIA) ne’e abertura husi Diretora Jerál Servisu Korporativus, Isabel Adalziza Fátima Rodrigues Ferreira, no fasilita husi Asesor Jurídiku Ministériu Finansas, Isac Menezes.

Workshop ne’e foka ba diseminasaun regulamentu importante sira hanesan:

DL 41/2025 – Ezekusaun Orsamentu Jerál Estadu (OJE) 2026

DL 39/2024 – Regras Jestaun Finanseira Públika

DL 1/2025 – Regime Aprovizionamentu Públiku (Procurement)

DL 3/2026 – Regime Kontratu Termu Sertú iha Administrasaun Públika

Ho partisipasaun dirijente no funsionáriu sira husi MJDAK, SEAK no KRAM, atividade ne’e reforsa komprensaun kona-ba lei no regulamentu sira atu asegura katak implementasaun programa governu bele la’o ho profesionalismu, responsabilidade no governasaun di’ak.

Hamutuk ita fortalese jestaun finanseira públika hodi promove servisu governu ne’ebé efetivu ba povu Timor-Leste.

Haree informasaun ofisiál liu tan husi MJDAK: https://mjdac.gov.tl/

#MídiaMJDAK #GovernasaunDiak #TimorLeste #OJE2026 #GIA