Covalima 11/03/2026 Ministru Agrikultura Pekuaria Peska no Floresta Marcos “MAMETA” da Cruz entrega ekipamentu modernu hanesan Tratór boot unidade 2 ho Rotario 1, Atraladu 1, Hand Trator kiik unidade 10 no Ró Fiber Glas unidade 7 ba DSAM Covalima atu bele ajuda agrikultór sira hodi hasa'e produsan iha seitór Agrikultura no Peska iha Munisipiu Covalima.

Iha diskursu Ministru Agrikultura Pekuaria Peska no Floresta Marcos “MAMETA” da Cruz, hateten mehi governu nian mak atu hasa'e produsaun ho nune’e mak entrega ekipamentu modernu ba iha Munisipiu atu bele utiliza ho diak atu bele hakma'an agrikultór sira nia servisu hodi bele hasa'e produsaun agrikola iha rai laran, iha tinan 2019 ita entrga ona tratór hamutuk 38 ba Munisipiu Covalima maibe balun at ona no la bele halo manutensaun, Ministèriu halo hela lelaun atu nune’e agrikultór sira bele lelaun, ho nune’e mak MAPPF mós sosa nafatin ekipamentu hodi fo ba iha Munisipiu sira.

Ministèriu mós iha ekipa mekanizasaun hodi hadia fila fali tratór sira ne’ebè mak at atu nune’e bele diak fila fali atu nune’e agrikultor sira utiliza hodi halo halo to’os ho natar, ita mos fo ekipamentu hanesan Ró Fiber Glas 7 ne’ebe mak foun ho kualidade diak ba peskadór sira ne’ebe mak antes ekipa halo ona identifikasaun atu bele simu Ró hodi halo atividade kaer ikan, husu ba funsionariu sira ne’ebe mak servisu iha Diresaun Servisu Munisipiu Covalima atu servisu ho diak no responzabilidade liu-liu iha seitór agrikultura pekuaria peska no floresta. Tenik Ministru Marcos

Iha entrevista Diretór Servisu Agrikultura Munisipiu Covalima Lino Magno Representa PAM esplika katak, Distribuisaun ekipamentu modern husi MAPPF ba Munisipiu Covalima mak ekipamentu agrikola hanesan Tratór bo’ot 2 ho Rotario 1, Atraladu 1, Hand Trator 10 no Ró Fiber Glas 7, no ró 7 ne’e antes ne’e mos ita halo ona identifikasaun ba grupu peskador hitu ne’ebe mak bele simu hodi utiliza atu kaer ikan atu bele responde ba merenda escolar.

Diretór ne’e garante katak ho ekipamentu moderno ne’ebe mak MAPPF fo ba oin sei aumentu produsaun agrikola iha seitor agrikultura, pekuaria no peska, husu ba grupu benefisiariu sira ne’ebe mak simu ekipamentu ne’ebe mak apoiu husi governo atu kuidadu ho diak no responzabilidade atu nune’e bele hasae produsaun agrikoal iha rai laran.

Atividade iha atividade entrega ekipamentu modernu ne'e hetan partisipasaun husi SEP Floresta, Ministra Edukasaun, Vice Ministru Obras Publika, Diretor Jeral Peska, Diretor Nasional Agrikultura Hortikultura Protesaun das Plantas, Diretor Nasional Peska, Xefe Departementu, Staf Tekniku Munisipiu Covalima no grupu benefisiariu sira. Ekipa DMEA

@penggemar berat

Prezidente Autoridade Munisípiu Covalima, Sr. Miguel Armada Cardoso

Portal do Governo de Timor-Leste