Covalima, 12 Marsu 2026| 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, Kontinua Akompañia Sua Excêlencia Primeiru-Ministru, Sr. Kay Rala Xanana Gusmão, Vizita Offisiál ba iha Munisípiu Bobonaro, hodi "Hare Besik Servisu Munisípal Husi Rezultadu Avaliasaun Kondisaun Minima", atualiza no avalia diretamente nivel prontidaun administrasaun munisipál nian atu simu desentralizasaun administrativa plena no prepara ba eleisaun Kámara Munisipál iha 2027.

Programa ne’e parte ida husi preparasaun Governu Konstitusionál Da-sia molok implementa Polítika Desentralizasaun Administrativa no Poder Lokál. Tuir planu, iha 2027 sei transfere poder no responsabilidade husi Governu Sentrál ba nível lokál, atu nune’e povu bele partisipa diretamente iha governasaun no dezenvolvimentu.

Programa ne’ebé hala’o iha Ginasio Munisipal Bobonaro, perante Xefe Governu ho komitiva, Presidente Autoridade Munisípiu Bobonaro, Sr. Paulo Maia, hahu ho aprezentasaun ne’ebé foka ba perfil Munisipiu, vizaun no Misaun, planu Estrategiku Munisipal 2026-2030, estrutura funsionamentu Autoridade, estrutura programa, sub-programa no aktividade seluk.