ha seremonia refere, hetan partisipasaun mos husi Diretor Nasional Empregu Estrangeiru João Coreia Perreira Primeira Sekretaria Embaixada Australia Sra. Kalo Tafolo no Delegasaun inklui ekipa PLMSP no mos familia husi traballadores.

Iha Diskursu Sua Exelsnsia Sekretariu Estadu hato’o apresiasaun no mensagem ne’ebé valiozu no pertinente tebes ba partisipantes sira hotu:

“Hau hakarak apresia ba Governu Austrália ne'ebé, komesa husi tinan 2012 to'o 2026, liu husi prosesu naruk ida atu fasilita sidadaun sira bele servisu iha Austrália.

Apresia mós ba Diretor DNEE no ekipa PLMSP ne'ebé servisu ho di'ak no pasiénsia hodi lori programa ida ne’e sai posivel . Parabéns ba returned worker sira: ho imi nia dedikasaun no badinas, imi bele kontinua hetan konfiansa husi empregador.Ba tarbalaldor foun sira hotu! Durante imi nia esforsu, ohin imi bele hetan oportunidade. Ita boot sira hotu sai hanesan "

heroi ba ekonomia nasaun.

Nu'udar membru Governu, hau atu hateten katak ita boot sira presiza atu kumpri regra sira ne'ebé estadu rua estabelese ona iha programa Mobilidade Laborál. Governu parte rua hahu ona buka estratéjia hodi evita trabalhador sira labele halau sai husi Sistema, ita fiar katak inistiva refere sei ajuda programa ida ne'e sai diak liu tan.

Husu ba família sira ne'ebé simu osan husi imi nia oan ka parseiru, atu uza rekursu refere hodi halo investimentu negósiu ruma, atu nune'e osan ne'ebé imi hetan sei lakon no kontinua fo lukru bai ta boot sira wain hira imi nia oan ka parseiru labele fila ba Servisu iha Australia. SEFOPE iha Departamentu Reintegrasaun, liu husi programa Auto-empregu, bele ajuda no apoia nafatin ita boot sira nia atividade negósiu.

Ikus liu hau husu ba ita boot sira atu hadomi malu, halo orasaun, no halo karidade hanesan Timor-oan ne'ebé di'ak no unidus hodi kaer metin naran diak Timor-Leste no konfiansa husi empregadores sira. Parabéns ba ita boot sira hotu.” Dehan Sua Exelensia Sekretariu Estadu .

Alende diskursu husi SEFOPE, Reprezentante Governu Australia mos hato mensagem importante katak:

“Sesaun ida ne'e nu’udar momentu importante atu hasoru imi antes ba servisu iha Austrália. Parabéns tanba bele to'o iha faze ida ne'e. Ami hatene katak ita boot sira liu tiha ona prosesu seleksaun rigorozu tebes no imi nia susesu demonstra esforsu no komitmentu diak atu hola parte iha program aida ne’e. Obrigadu ba kontribuisaun ne'ebé imi sei fó ba Austrália no Timor-Leste. Ita halo ona mobilizasaun liu 20.000 trabalhador, no hau afirma katak Australia iha komitmentu atu hasae tan traballador iha futuru” Dehan mana Kalo Tafolo.

Iha sorin seluk, aleinde diskursu no aprezentasaun relatoriu husi Diretor DNEE, Diretor mos introdus nafatin ba trabllador no familia sira katak, “Asina deklarasaun hanesan ona tradisaun ida ne’ebé SEFOPE liu husi DNEE sempre realiza antes atu haruka trabllador sira ba servisu iha rai liur. Objetivu husi inisiativa ida ne’e mak atu kesi metin liu tan relasaun entre Governu no Traballador sira hodi lao tuir koreidor Mobilidade laboral , no bele asegura katak trabllador sira seguru no susesu iha futuru,” dehan Diretor DNEE.