Manatuto, 12 Marsu 2026 – Sekretáriu Estadu Kooperativas (SEKoop), Eng. Arsénio Pereira da Silva, M.Agr., hala’o atividade kuda Bafo Kayrala simbolikamente iha Sentru Viveirus Floresta nian iha Balak, Munisípiu Manatuto, loron 12 Marsu 2026.

Atividade ne’e hala’o hafoin delegasaun SEKoop halo koilleta Bafo Kayrala iha Postu Administrativu Vesemase, Munisípiu Baucau. Iha okaziun ne’e, Sekretáriu Estadu akompaña husi Diretór Geral Eng. Olderico Lopes, GIA, Inspektor Gaspar Policarpo Correia, Xefe Gabinete Francisca L. de Araújo Simith, Diretór Nasionál Produsaun Higino Barros, Diretór Delegasaun Munisipal Rui Soares, no mós funsionáriu sira SEKoop ne’ebé destaka iha Munisípiu Manatuto.

Antes atu hala’o kuda Bafo Kayrala, delegasaun observa uluk aikameli no Bafo Kayrala ne’ebé kuda tiha ona iha área refere, atu haree kondisaun moris no dezenvolvimentu ai-horis sira.

Atividade hirak realiza tanba servisu hamutuk entre Ministériu Agrikultura Peskas Pekuáriu no Floresta, liu husi Diresaun Floresta nian, iha Sentru Viveirus Balak Manatuto.

#Média SEKoop#