Bobonaro, 12 Marsu 2026.

Durante diálogu, autoriedade lokál munisípiu Bobonaro, hato'o preokupasaun kona-bá infrastrutura bázika sira liu-liu estrada ligasaun entre kapitál munisípiu bá Postu-Administrativu Kailaku, estrada ligasaun husi kruzamentu Oeleu ba Postu-Administrativu Lolotoe no husi Postu-administrativu Atsabe (Ermera) bá (Bobonaro).

Nune'e Ministru MPIE ne'ebé tutela servisu kona-bá Investimentu Estratéjiku, hatan katak " Estrada husi Maliana bá Kailaku, iha ona faze elaborasaun tenderizasaun inklui Estrada OeLeo bá Lolotoe, tempu badak sei finaliza nia prossesu tenderizasaun no taka sai kompañia vensedór bá konstrusaun obra nian", Dehan S.E. Ministru Gastão Sousa.

S.E. Ministru Gastão Sousa haklean liutan, estrada husi kruzamentu Oeleu bá Postu Lolotoe no husi Letefoho no Atsabe (Ermera) mai Lourba (Bobonaro) iha ona faze finál no tempu badak sei anunsia kompañia manan nain hodi hahu halo ona konstrusaun.

Kona-bá estrada husi Maliana-Vila bá Postu Administrativu Bobonaro inklui Lourba bá Lepo, Ministru MPIE konfirma katak sei iha faze levantamentu tékniku no bainhira levantamentu ne'e remata, sei haruka bá Konsellu Administrasaun Fundu Infrastrutura (KAFI) hodi análiza no aprova.

Além ida ne'e, S.E. Ministru MPIE klarifika kona-bá sistema bee mós iha Maliana-vila ne'ebé oras ne'e servisu obras públika liu-liu hamutuk ho ADN, IP hala'o hela levantamentu dadus, nune'e membru guvernu ne'e, husu atu ema hotu pasénsia hodi hein projetu sira ne'ebé planeadu ona, tamba la'ós de'it munisípiu Bobonaro maibé guvernu nia atensaun bá territóriu nasionál hodi halo ekilíbriu bá dezenvolvimentu infrastrutura báziku.

Atu Remata, Ministru MPIE, S.E. Eng.Gastão Sousa reafirma katak Guvernu atuál komprometidu bá dezenvolvimentu infrastrutura durante mandatu tamba ne'e, Nia realsa katak "Esperansa Sei La Bosok", tuir mensájem xave ne'ebé Xefe Guvernu atuál, Kay Rala Xanana Gusmão nian bá populasaun sira hodi hein ho pasénsia bá dezenvolvimentu nasionál.

https://sdi.gov.tl/ministerio/presrealease/create 

MÉDIA MPIE