𝐁𝐆𝐂 𝐓𝐚𝐠𝐮𝐢𝐠 𝐌𝐚𝐧𝐢𝐥𝐚, 𝟏𝟔 𝐌𝐚𝐫𝐬𝐮 𝟐𝟎𝟐𝟔

Timor-Leste partisipa iha Retreat Ministru Ekonomiku ASEAN ba dala 32 (AEM) ne'ebé hala'o iha loron 13 Marsu 2026 iha sidade Bonifacio Global (BGC), Taguig, Manila. Timor-Leste reprezenta husi S.E. Augusto Junior Trindade, Vise-Ministru Komersiu no Industria, ne'ebé partisipa iha sorumutu ne'e nu'udar lider AEM Alternativu hodi naran S.E. Nino Pereira, lider AEM Timor-Leste nian.

Partisipa iha Retiru ne'e Ministru Ekonomiku sira husi Estadu Membru ASEAN hotu, hamutuk ho Sekretariu-Jeral ASEAN Kao Kim Hourn. Ministru sira hato'o sira-nia apoiu ba prioridade ekonómika ASEAN nian durante Prezidensia ASEAN Filipina nian iha tinan 2026, ho tema "Harii ita-nia futuru, hamutuk."

Durante diskusaun sira-ne'e, Ministru sira troka sira-nia hanoin kona-ba dezenvolvimentu ekonómiku rejionál no globál, hasa'e Monitorizasaun ba dezempeñu Komunidade Ekonomika ASEAN (AEC) no inisiativa rejionál xave balun, inklui negosiasaun sira ne'ebé la'o hela kona-ba Akordu Enkuadramentu Ekonomia dijitál ASEAN (DEFA), adezaun Timor-Leste nian ba Akordu Ekonomiku ASEAN, no relasaun ekonómika esterna ASEAN nian.

Sorumutu ne'e hala'o antes ne'e ho sesaun diálogu nakloke ho Konsellu Konsultivu Emprezarial ASEAN (ASEAN-BAC), Institutu Peskiza Ekonomika ASEAN no Azia Leste (ERIA), no Banku Dezenvolvimentu Aziatiku (ADB).

Iha okaziaun ida-ne'e Timor-Leste hato'o intervensaun balun, hodi fó apoiu tomak ba Filipina hodi entrega dezenvolvimentu ekonómiku prioridade 2026 (PED), atualiza Ministru sira kona-ba finalizasaun ne'ebé la'o hela ba dalan implementasaun AEC nasionál Timor-Leste nian iha tinan 2026-2030, no reforsa ninia apoiu ba konkluzaun negosiasaun DEFA nian. Timor-Leste mós fó sai ninia prontu atu kolabora besik ho Estadu-membru ASEAN hotu-hotu no Sekretariadu ASEAN hodi promove Komunidade Ekonomika ASEAN ida-ne'ebé inkluzivu, nakloke no reziliente.

#Media_MCI