𝐃í𝐥𝐢, 𝟏𝟔 𝐌𝐚𝐫𝐬𝐮 𝟐𝟎𝟐𝟔– Ministériu Komérsiu no Indústria (MCI), liuhosi Diresaun Jerál Komérsiu, lansa sistema lisensamentu setorial ba atividades komersiais, hanesan parte husi aprovasaun Projetu Dekretu Governu ne’ebé regula prosedimentu atribuisaun lisensa no realizasaun vistoria iha âmbitu lisensamentu setorial. iha Salaun Auditóriu MCI Fomentu, Mandarin, Dili.

Serimónia lansamentu ne’e fó sinal hodi formalmente ba implementasaun 𝗗𝗲𝗰𝗿𝗲𝘁𝗼-𝗟𝗲𝗶 𝗡ú. 𝟱/𝟮𝟬𝟮𝟲, 𝗱𝗲 𝟰 𝗱𝗲 𝗙𝗲𝘃𝗲𝗿𝗲𝗶𝗿𝗼 kona-ba 𝗮𝗹𝘁𝗲𝗿𝗮𝘀𝗮𝘂𝗻 𝗱𝗮-𝗵𝘂𝗹𝘂𝗸 𝗡ú. 𝟴𝟵/𝟮𝟬𝟮𝟯 𝟮𝟬 𝗱𝗲𝘇𝗲𝗺𝗯𝗿𝘂, no dekretu governu ne’ebé hatudu klaru mekanismu regulasaun ba operasaun komersial. Inisiativa foun ida ne’e objetivu atu:

• Estabelese base legál no transparénte ba atribui lisensa;

• Fasilita prosesu submisaun, analize no aprovasaun aplikasaun;

• Garante seguransa júridika ba empresáriu atu opera legalmente;

• Reforsa kolaborasaun entre governu no sektór privadu.

Ministru Komérsiu no Indústria, Sr. Nino Pereira hateten, lansamentu lisensiamentu setoriál ba atividade komersiáis ne’e halo parte iha polítika IX governu konstitusionál nian ne’ebé ho objetivu atu simplifika prosesu lisensiamentu hodi halo fasil liu, lalais liu, transparente liu, no responsabiliza liu.

"Ami iha ona rejime jerál ida ba lisensiamentu atividade ekonómiku sira, iha ne'ebé ajénsia SERVE hala'o knaar ida iha rejistu no verifikasaun dokumentu sira. Maski nune'e, iha prosesu importante sira seluk, hanesan pré-inspesaun sira no inspesaun periódika sira, hodi asegura katak empreza sira uza hela sira nia lisensa ho loloos no ho responsabilidade”. Diskurso Ministru MCI

Iha fatin hanesan Prezidente CCI-TL, Sr. Jorge Serrano, mos apresia inisiativa ne’e, “Ida ne’e pasu importante ba sistema governu nian. Sistema lisensiamentu setoriál sei ajuda setór privadu sira, hodi fó klaridade ba sertifikadu ne’ebé sai husi ministériu kompetente. Hau fiar katak mudansa ida ne’e sei fó impaktu diak ba Timor-Leste, liu-liu iha área komérsiu.”

iha serimónia lansamentu ne’e, partisipante sira inklui Sekretáriu Estadu ba Protesaun Sivíl, Prezidente CCI-TL, Diretur Ezekutivu SERVE,IP, Aifaesa, Setór Privadu, representante liña Ministeriais, asesór sira nomos funsionáriu MCI.

𝙈é𝙙𝙞𝙖 𝙈𝘾𝙄