Asuntu : MINISTRU MAPPF OBSERVA DIRETA FATIN BA PREPARASAUN KONSTRUSAUN ESKEMA IRRIGASAUN IRABERE Viqueque,(5/9/2025), Ministru Agrikultura Pekuária Peska no Floresta Marcos “MAMETA” Da Cruz obrseva direta fatin ba preparasaun lansamentu eskema Irrigasaun irabere no hasoru malu ho Autoridade Postu no Suku husi Postu Administrativu Iliomar Munisípiu Lautem no Uatucarbau Minisípiu Viqueque koalia konaba atividade kultural antes halo lansamentu. Ministru MAPPF iha entrevista hatete, vizita ne’e hodi observa direta fatin ba preparasaun konstrusaun ba eskema irrigasaun Irabere tanba kontratu ba irrigasaun ne’e Ministériu asina ona kontratu kuaze fulan ida ona no hasai ona orden servisu ba kompañia atu bele hala’o ona servisu tanba iha tempu badak sei lansa fatuk dahuluk ba konstrusaun irrigasaun refere. Ministru realsa, Kompañia hahú halo ona preparasaun no ekipa husi Ministériu observa mós fatin ne’ebé mak sei kontrui weir ka barajen irrigasaun sei tuir dezeñu BOQ ne’ebé mak iha ona ne’eduni hasoru malu ho Autoridade postu no suku sira husi postu Administrativu rua hanesan Iliomar no Uatucarbau inklui konsultan ba kontratór projetu nune’e ba oin konstrusaun projetu ne’e tenki kualidade no remata tuir ne’ebé mak iha ona. Kontratór ba projetu ne’e husi nasaun Xina no konsultan ba projetu ne’e mai husi nasaun Indonezia tanba ne’e antes atu hahú halo kontrusaun sei halo uluk kultura depois mak hahú ho lansamentu fatuk dahuluk tanba eskema irrigasaun ne’e sei kobre natar husi postu rua mak Iliomar no Uatucarbau nian kuaze ektare 500. Iha fatin hanesan, Administradór Postu Adminitrativu Uatucarbau, Anacleto de Sarmento esplika, kompañia asina ona kontratu kuaze fula ida ona ne’e sira hahú halo ona preparasaun tanba eskema irrigasaun ne’e sei kobre natar husi postu adminitsrativu rua hanesan área Uadubu Uatucarbau no Uanisi -Iliomar nian tanba ne’e espera ba oin kontrusaun ne’e lao tuir regra no rekezitus ne’ebé mak iha ona kontratu refere. APA informa liu tan katak, komunidade husi Uatucarbau esepransa durente ne’e mak Irrigasaun ne’eduni banhira projeitu ne’e lao sei laiha komunidade mak halo intervensaun hosi hamosu problema sosial tanba irrigasaun ne’e ninia benifisiu mak halo komunidade agrikultór sira. Nune’e mós Xefe suku Kaenliu -Iliomar, João Adizito da Costa reprejenta komunidade iliomar senti kontenti garadese ba Governu tanba durante ne’e hamutuk ho komunidade sira hein duni mak eskema irrigasaun durante ne’e nune’e natar sira ne’eb’e mak abandona bele ativa fali atu bele hasa’e produsaun iha futuru mai. Ho eskema irrigasaun komunidade sira mós laos atu halo natar de’it maibé bele hakiak mós animál sira no hakiak mós ikan tanba parte Iliomar iha suku 6 maib’e suku 5 mak buka moris kalo halo to’os natar iha parte irrigasaun Irabere ne’e kuaze uma kain rihun rua resin. Iha atividade vizita ba fatin preparsaun konstrusaun irrigasaun ne’e Minisru MAPPF ne’ebé mak akompaña husi Diretór Irrigsaun no Xefe Departamentu sira, Reprejentante Diretór Servisu Agrikultura Munisípiu Viqueque, Xefe suku husi pare Uatucarbau no Iliomar, lia na’in sira inklui konsultan no kontratór ba projetu refere.
Data Publica : 08 Sep 2025
Descrisaun :