𝘿í𝙡𝙞, 16 𝙙𝙚 𝙈𝙖𝙧𝙨𝙪 2026– Ministru Komérsiu no Indústria Sr. Nino Pereira, fó posse ba dirijente foun Ministériu nian hanesan; Diretór Jerál sira, Diretór Nasionál, Inspetór Jerál, Sub-Inspetór, Koordenadór GCPeR, no Xefe Departamentu, na’in sanulu resin ne’en(16). Eventu ne’e hala’o iha Auditóriu MCI, Fomentu Mandarin, Dili.

Iha diskursu Ministru Nino Pereira apela ba dirijente foun sira atu fó prioridade ba koordenasaun no komunikasaun ne’ebé efetivu hodi alkansa meta institusionál sira no hametin papél Ministériu

“Ida ne’e hanesan loron importante ida ba Ministériu iha tinan 2026. Lideransa foun iha responsabilidade atu kontinua esforsu integra programa IX Governu Konstitusionál ho programa MCI nian. Ita presiza ekipa ida ne’ebé kompetente no dedikadu hodi implementa polítika industriál no komersiál sira,” 𝘁𝗲𝗻𝗶𝗸 𝗠𝗶𝗻𝗶𝘀𝘁𝗿𝘂

Nia subliña, dirijente foun sira sei fó kontinuidade ba servisu ne’ebé hahú ona husi fundadór sira, no sei fó inovasaun liuhosi lideransa foun, no sinerjia kolektivu. Motivasaun ba funsionáriu sira, atu kontinua fó dedikasaun no inisiativa, hodi promove ministériu nafatin no kontribui ba dezenvolvimentu ekonomia nasionál.

Iha fatin hanesan reprezentante 𝘗𝘳𝘦𝘻𝘪𝘥𝘦𝘯𝘵𝘦 𝘒𝘰𝘮𝘪𝘴𝘢𝘶𝘯 𝘍𝘶𝘯𝘴𝘢𝘶𝘯 𝘗𝘶𝘣𝘭𝘪𝘬𝘢 (𝘊𝘍𝘗), 𝘒𝘰𝘮𝘪𝘴á𝘳𝘪𝘢, 𝘚𝘳𝘢. 𝘈𝘯𝘪𝘵𝘢 𝘛.𝘙. 𝘥𝘦 𝘑𝘦𝘴𝘶𝘴, hato’o apresiasaun ba mudansa sira iha MCI no husu ba emposado sira atu labele haluha mos atu konta ho KFP.

Serimónia tomada Posse partisipa husi Komisaria CFP ne’ebe reprezenta Presidente Komisaun Funsaun Publika, Padre, Diretur Jeral, Diretur Nasionál, Xefe Departamentu, asesór no funsionáriu no familia empossado.