𝟏𝟔 𝐌𝐚𝐫𝐬𝐮 𝟐𝟎𝟐𝟕

============

Vise-Primeiru-Ministru no Ministru Koordenadór ba Assuntu Ekonómiku, Ministru Turizmu no Ambiente, Dato’ Seri Francisco Kalbuadi Lay simu vizita badak ida husi Embaixadór Majestade Britániku, Dominic Jermey.

Durante vizita ne’e, parte rua halo diskusaun kona-ba assuntu kooperasaun bilaterál sira entre rai-rua nian iha área oioin.

Hafoin remata sorumutu ne’e, Embaixadór Majestade Britániku, Dominic Jermey fó bem vindo ba Timor-Leste nia adezaun ba iha Organizasaun Mundial ba Komersiu (OMK), no afirma nia nasaun sei kontinua suporta Timor-Leste iha área oioin.

Nune’e mós, Vise-Primeiru-Ministru no Ministru Koordenadór ba Assuntu Ekonómiku, Ministru Turizmu no Ambiente, Dato’ Seri Francisco Kalbuadi Lay sente honradu no agradese tebes ba vizita diplomata Britániku ne’e nu’udar faze importante ida hodi kontinua hametin lasu kooperasaun entre rai-rua nian iha área oioin.