𝐃í𝐥𝐢, 𝟏𝟕 𝐌𝐚𝐫𝐬𝐮 𝟐𝟎𝟐𝟔- 𝘔𝘪𝘯𝘪𝘴𝘵𝘳𝘶 𝘒𝘰𝘮é𝘳𝘴𝘪𝘶 𝘯𝘰 𝘐𝘯𝘥ú𝘴𝘵𝘳𝘪𝘢 𝘚𝘳. 𝘕𝘪𝘯𝘰 𝘗𝘦𝘳𝘦𝘪𝘳𝘢 simu vizita kortezia hosi 𝘌𝘮𝘣𝘢𝘪𝘹𝘢𝘥𝘰𝘳 𝘌𝘴𝘱𝘢ñ𝘢 𝘣𝘢 𝘈𝘚𝘌𝘈𝘕 𝘩𝘰 𝘴𝘦𝘥𝘦 𝘪𝘩𝘢 𝘑𝘢𝘬𝘢𝘳𝘵𝘢 𝘚𝘳. 𝘉𝘦𝘳𝘯𝘢𝘳𝘥𝘰 𝘥𝘦 𝘚𝘪𝘤𝘢𝘳𝘵 𝘌𝘴𝘤𝘰𝘥𝘢, iha sala Gabinete Ministru Fomento Mandarin Dili.

Durante enkontru diplomátiku ne’e, hato'o parabéns ba Timor-Leste nian adezaun ba ASEAN, ne'ebé konsidera hanesan marku estratéjiku ida ba futuru nasaun nian iha rejiaun nomos destaka Timor-Leste hein atu simu Simeira ASEAN nian iha tinan 2029.

Enkontru ne’e mós ko’alia kona-ba akordu komersiál ne’ebé eziste no potensiál entre Timor-Leste ho nasaun viziñu sira, inklui Indonézia, Austrália, Xina, no Japaun. Subliña katak, atu estabelese-an nu’udar membru ASEAN nian, ne’ebe Timor-Leste sei hametin ninia rede parseria no akordu rejionál sira.

Mensiona mós akordu sira seluk ne'ebé relevante, hanesan sira ne'ebé asina hosi Indonézia ho Kanadá no Estadus Unidus, ida ikus ne'e hanaran ATR – Akordu kona-ba Regra Komérsiu nian, ne'ebé asina iha fulan-Fevereiru. Importánsia atu hamenus gradualmente tarifa sira no moderniza prosedimentu alfándega nian sira destaka hanesan esensiál atu hasa'e komérsiu internasionál.

Enkontru ne’e fó oportunidade atu hametin relasaun amizade no kooperasaun entre Timor-Leste no España, ho enfase ba oportunidade kolaborasaun iha setor komérsiu no indústria.

𝙈é𝙙𝙞𝙖 𝙈𝘾𝙄