Dili, 17 Marsu 2026 — Ministru Komérsiu no Indústria, Nino Pereira, hala’o enkontru ho ekipa husi Banco Central Timor-Leste(BCTL) hodi diskute kona-ba utilizasaun osan moeda 200 sentavos ne’ebé sai polémika iha komunidade bainhira halo tranzasaun komérsiu.

Polémika ne’e mosu tanba loja xinesa balun seidauk simu osan refere, ho razaun katak sira dúvida no konsidera osan ne’e falsu.

Maske BCTL, apela no hasai ona sirkular ba sidadaun no loja nain sira iha kapiatla Dìli, atu kontinua utiliza osan moeda refere, maibé iha loja Xinesa balun kontinua lakohi simu osan moeda 200 centavos.

Enkontru ohin halo alerta, atu ekipa BCTL hamutuk ho Ministériu Komérsiu no Indústria (MCI) liuhosi Direção Nacional Regulasaun Komersiál no Protesaun Konsumidor, akompaña husi Polícia Nacional de Timor-Leste (PNTL), tun direta ba terrenu hodi halo inspesaun no observasaun ba loja Xinesa sira iha kapital Dìli, atu fó esplikasaun no orienta loja nain sira atu kontinua simu osan moeda refere ba tranzasaun komérsiu.

𝙈é𝙙𝙞𝙖 𝙈𝘾𝙄