𝐋𝐢𝐪𝐮𝐢𝐜̧𝐚, 𝟎𝟔 𝐌𝐚𝐫𝐬𝐮 𝟐𝟎𝟐𝟓; Sekretariu Estadu Dezenvolvimentu Lokál (SEDL), Mateus W. dos Santos Tallo, reprezenta MAE, kontinua partisipa iha Debate Espesialidade ba Loron Datoluk nian, ho Komisaun A Parlamentu Nasionál ne’ebé trata Asuntu Konstituisionál no Justisa, ba Proposta Lei 26/VI (2ª) – alterasaun daruak ba Lei nú 3/2004, loron 14 fulan abril, kona-ba Lei Partidu Politiku.

Iha debate loron ikus ne’e, Proposta Lei refere hetan ona aprovasaun husi Komisaun A, ho Votus Afavor 8, Kontra 0, no Abstensaun 0, nune’e proposta refere sei lori ba Parlamentu Nasional hodi halo Votasaun iha Final Global.

Reuniaun ne’e prezide mos husi Prezidente Komisaun A, Deputadu Natalino do Nascimento, ho membru Komisaun A, Vise-Ministru ba Asuntu Parlamentar, Aderito Hugo da Costa, Prezidente CNE no Komisariu sira husi CNE, JSMP, Sosiedade sivil, Diretor Jeral STAE, nomos Tekniku sira.

Reuniaun ne’e hala’o iha Salaun Enkontru IADE Munisípiu Liquiça.

Media SEDL