𝐌𝐚𝐧𝐮𝐟𝐚𝐡𝐢, 𝟎𝟗 𝐌𝐚𝐫𝐬𝐮 𝟐𝟎𝟐𝟔: Sekretariu Estadu Dezenvolvimentu Lokál (SEDL), Mateus W. Santos Tallo, hamutuk ho Ministru Administrasaun Estatál, Tomás do Rosário Cabral, no Ministru Planeamentu no Investimentu Estratéjiku, Gastão de Sousa, Ministru Obras Públikas, Samuel Marçal akompaña Primeiru-Ministru, Kay Rala Xanana Gusmão, hala'o Vizita ofisiál ba Munisipiu Manufahi, hodi hare besik servisu munisipál husi rezultadu “Avaliasaun Kondisaun Mínima” ne'ebé hala'o husi Ministériu Administrasaun Estatál (MAE). Atividade ne'e hala'o iha Salaun Parokia São Miguel Arcanjo, Same Vila, Munisipiu Manufahi.

Programa ida-ne’e hanesan parte ida husi preparasaun IX Governu Konstitusionál nian molok implementa Polítika Desentralizasaun Podér Lokál iha tinan 2027, hodi transfere podér no responsabilidade husi Governu sentrál bá nível lokál hanesan munisípiu nune’e povu bele partisipa diretamente iha governasaun no dezenvolvimentu.

Iha vizita ne’e Primeiru-Ministru akompaña husi membru Governu balun, ne’ebé partisipa husi autoridade munisipál, setór privadu, autoridade postu, autoridade lokál, veteranus, diretór servisu munisipál sira, xefe departementu sira, intelektuál sira inklui autoridade sivíl ho militár.

Media SEDL