Ohin, 17 Marsu 2026, sai loron signifikativu ba joven sira iha Sentru ba Labarik no Juventude Comoro (CCYC). Sua Exelénsia Ministru Nelyo Isaac Sarmento, hamutuk ho Reprezentante UNICEF, Teija Vallandingham, inaugura fasilidade asesibilidade ba Ema ho Difisiénsia (EhD) iha Sentru ba Labarik no Juventude Comoro.

Ho inaugurasaun iha Dili ne’e, MJDAK kompletiza ona kbiit asesibilidade iha sentru juventude tolu (3), ne’ebé antes ne’e implementa ona iha Bobonaro no Cova Lima. Ida-ne’e mak rezultadu husi kolaborasaun estratéjiku ho UNICEF Timor-Leste hodi garante asesu ba formasaun no dezenvolvimentu talentu ba joven hotu.

Iha serimónia ne’e, partisipa mós Sua Exelénsia Sekretáriu Estadu Arte no Kultura, Jorge Soares Cristóvão, Asesór Palásiu Prezidensiál ne’ebé mós nu’udar Embaixadór EhD, Sr. Gaspar Afonso, ne’ebé fó sasin ba pasu konkretu MJDAK nian hodi haktuir vizaun Inkluzaun Nasionál.

"Dezenvolvimentu ne'ebé inkluzivu mak dezenvolvimentu ne'ebé la husik ema ida hela iha kotuk!"

#MídiaMJDAK #Inkluzaun #EhD #UNICEF #TimorLeste #JuventudeBaHotu #Dili #Bobonaro #CovaLima