𝐃Í𝐋𝐈-𝐓𝐞𝐫𝐬𝐚, 𝟏𝟕/𝟎𝟑/𝟐𝟎𝟐𝟔.

S.E. Vise-Ministra Finansas Sra. Regina de Jesus de Sousa, hamutuk ho sosiedade sivíl la’o hamutuk ho ekipa sira halo abertura ba kolokiu nasional ho tema “polítika investimentu setór produtivu hodi hametin diversifikasaun ekonómia iha Timor-Leste”, atividade ne’e hala’o iha Suai Room, Timor-Plaza.

Seremónia kolokiu ne’e organiza husi sosiedade sivíl la’o hamutuk.

Ministra dehan, diversifikasaun ne’e importante tebes no urjente, ita presiza iha modelu ekonómiku ida ne’ebé sustentavél.

Iha investimentu setor produtivu sira mak presiza servisu hamutuk ho governu hodi hasae alvu produsaun no efisiente.

Tanba ne’e, governu labele la’o mesak, ita presiza servisu ho setor privadu ho parseiru dezemvolvimentu sira.

Iha kolokiu nasional ne’e hetan partisipa maximu husi sosiedade sivíl sira, Diretor Jeral Planeamentu no Orsamentu (DGPO), Sr Jose Alexandre de Carvalho, Xefe Gabineti Vise-Ministra Finansas Sr. Zelino da Costa Silva, akademiku sira no estudante sira hotu.

#Foto #Ekipa #Media #Ministeriufinansas