Díli, 17 Marsu 2026 — Sua Exelénsia Ministru Ensinu Superiór, Siénsia no Kultura, Dr. José Honório, simu delegasaun husi The International Institute of Knowledge Management (TIIKM) husi Sri Lanka, iha edifísiu Ministériu, iha Kolmera.

Sorumutuk ida-ne’e iha objetivu atu hametin kooperasaun iha área ensinu superiór no turizmu, inklui partilla esperiénsia kona-ba akreditasaun no parseria internasionál sira.

Reuniaun ne’e hetan mós partisipasaun husi Fundadór no Diretór Ezekutivu TIIKM, no mos Adjunta Divizaun Relasaun Internasionál instituisaun nian. Husi parte Ministériu Ensinu Superiór, Siénsia no Kultura, marka prezensa dirijente no asesór sira.