Baucau 17 marsu 2026 - Ministériu Edukasaun servisu hamutuk ho Autoridade Lokál sira hodi tau matan ba eskola sira tanba kada suku ita territoriu nasionál sempre eziste eskola, profesór no estudante.

Iha intervensaun Sua Exelénsia Ministra Edukasaun Dra. Dulce de Jesus Soares iha diálogu “Haree besik servisu munisipál husi rezultadu avaliasaun kondisaun mínima” iha Centro Conveção de Baucau hatete, Ministériu Edukasaun sei la servisu mesak maibé servisu hamutuk ho autoridade lokál sira husi suku atu bele tau matan ba eskola, ba profesór no estudante.

"Ha'u tau fiar ba Na'i Liurai sira atu bele tau matan ba ita-nia eskola no profesór sira tanba husi eskola nee profesór sira maka bele prepara ita-nia oan sira-nia futuru ida di'ak liu," tenik SE. Ministra.

Enkuantu kona-ba prosesu konstrusaun eskola sira iha Munisípiu Baucau Ministériu Edukasaun sei kolabora ho Autoridade munisipál liuliu Prezidente Autoridade Munisipál Baucau hodi haree no halo monitorizasaun.

#EliasdaCosta

#MédiaME